Սետկրեասեա (Setcreasea)

Սետկրեասեան մեր պայմաններում մշակվում է որպես սենյակային բույս, սակայն շատ լավ աճում և զարգանում է ծաղկային ձևավորումներում, արևի ճառագայթների տակ: Շատ նման է տրադեսկանցիային և այդ պատճառով նրան հաճախ անվանում են մանուշակագույն տրադեսկանցիա:

Բույսը կարմրին տվող մուգ մանուշակագույն է, խոշոր երկարուկ տերևներով, որոնց երկարությունը հասնում է 15-18 սմ, իսկ լայնությունը` մինչև 3 սմ: Բաց մանուշակագույն փոքրիկ ծաղիկներն աճում են ճյուղերի ծայրերին: Աճման սկզբնական շրջանում ցողուններն ուղիղ կանգնած են, իսկ հետագայում `աճմանը զուգընթաց, դանդաղ իջնում և կախվում են: Սենյակային պայմաններում օգտագործվում են որպես անպելային բույսեր` տնկելով կախովի սկահակների մեջ: Ծաղկային ձևավորումներում օգտագործում են ծաղկային թմբերի, տարբեր տեսակի ղևանդների և քարաբլուրների մեջ: Բույսը գլխավորապես բազմանում է կտրոններով: Հողի ջրի նկատմամբ պահանջկոտ չէ:

Հարցեր, պատասխաններ, մեկնաբանություններ